გიორგი შავგულიძე
დაიბადა ქუთაისში 1910 წლის 16 ნოემბერს. კ. მარჯანიშვილის მოსწავლე, რომლის ხელმძღვანელობით 1928 წლიდან მუშაობდა ქუთაისის მეორე თეატრში (შემდგომ კ. მარჯანიშვილის სახელობის თეატრი). კინოში მიიწვიეს 1938 წლიდან. საქართველოს სახალხო არტისტი (1955). საბჭოთა კავშირის სახელმწიფო პრემიის ლაურეატი (1952). დაჯილდოებულია ორი ორდენით და მედლებით. დაიღუპა ტრაგიკულად 1959 წლის 13 აპრილს.
